گرین لائن میٹروبس منصوبہ، سندھ اور وفاق میں معاہدہ طے پاگیا

اسلام آباد: گرین لائن میٹروبس منصوبے کیلئے سندھ اور وفاق میں معاہدہ طے پاگیا، جس کے تحت وفاقی حکومت 3سال تک گرین لائن میٹروبس منصوبے کو چلائے گی اور 80 بسیں خریدے گی۔تفصیلات کے مطابق گرین لائن میٹروبس منصوبے کیلئے سندھ اور وفاق میں معاہدہ ہوگیا، معاہدے کے تحت وفاقی حکومت 3سال تک گرین لائن میٹروبس منصوبے کو چلائیگی اور گرین لائن میٹروکیلئے 80 بسوں کی خریداری کرے گی۔بسوں کے انٹرنیشنل ٹینڈرآئندہ ماہ ہوں گے، سندھ

حکومت کے دستخط کے بعد معاہدہ کیبنٹ ڈویژن کوارسال کردیا گیا ہے، ایکنک نے گرین لائن میٹرومنصوبے کی مارچ2020میں منظوری دی تھی۔وفاق نے بسوں اورآئی ٹی ایس نظام کے لیے8ارب روپے مختص کردیے، گرین لائن میٹروبس منصوبے کیلئے فنڈزآئندہ مالی سال میں جاری کیے جائیں گے جبکہ انٹرنیشنل ٹینڈر کے بعد بسوں کی امپورٹ تک کے مراحل میں 45ہفتے لگیں گے۔واضح رہے 24 ارب روپے کی لاگت سے کراچی انفرا اسٹرکچر ڈیولپمنٹ کمپنی نے یہ منصوبہ جب شروع کیا تھا تو سندھ حکومت بھی شراکت دار تھی، لیکن پھر یہ وفاق اور صوبے کے درمیان الزامات کی نذر ہو گیا اور منصوبہ وفاقی حکومت نے مکمل طور پر اپنے ہاتھ میں لے لیا۔22 کلومیٹر پر مشتمل گرین لائن بس منصوبے کے ٹریک پر 22 اسٹیشن تھے لیکن یہ اسٹیشنز ابھی تک مکمل نہیں کیے گئے ہیں اور تعمیراتی کام تا حال جاری ہے۔کراچی میں 2016 میں سرجانی تا گرومندرگرین لائن میٹروبس منصوبے کاسنگ بنیاد رکھا گیا، منصوبہ 2017میں مکمل ہونا تھا تاہم اب گرین لائن میٹروبس منصوبہ اپریل2021سے قبل شروع ہونا مشکل ہیں۔