کورونا وائرس، ذیابیطس کے مریضوں کے لیے خطرے کی گھنٹی... ہر دس میں سے ایک مریض ہسپتال جانے کے سات دن بعد ہی اپنی زندگی کی بازی ہار سکتا ہے،تحقیق

واشنگٹن(این این آئی)ذیابیطس کا ہر دس میں سے ایک مریض کورونا وائرس میں مبتلا ہونے کی صورت میں ہسپتال جانے

کے سات دن بعد ہی اپنی زندگی کی بازی ہار سکتا ہے۔غیرملکی خبررساں ادارے کے مطابق یہ انکشاف ایک تازہ سائنسی مطالعے کے نتائج میں کیا گیا ہے، جو جمعے کے روز ایک جریدے میں شائع ہوئے۔ اس مطالعے کے دوران ذیابیطس کے تیرہ سو مریضوں کا جائزہ لیا گیا۔ پچھتر برس سے زائد عمر کے مریضوں میں پچپن برس سے کم عمر کے مریضوں کے مقابلے میں شرح اموات چودہ فیصد زیادہ رہی۔ دل، بلڈ پریشر اور پھیپھڑوں کے امراض میں مبتلا افراد کو بھی مقابلتا زیادہ خطرات لاحق ہیں۔