پاکستان نے کورونا وائرس کی وجہ سے بند بین الاقوامی فلائٹ آپریشن بحال کر دیا

اسلام آباد(سی این پی)پاکستان نے کورونا وائرس کی وبائی صورتحال کے باعث بند ہونے والا بین الاقوامی فلائٹ آپریشن آج رات سے بحال کر دیا ہے۔سول ایوی ایشن ڈویژن کے ترجمان کی جانب سے جاری بیان میں کہا گیا ہے کہ وفاقی حکومت

کے فیصلے کی روشنی میں پاکستان سے بین الاقوامی پروازوں کا سلسلہ تیس مئی سے شروع ہو رہا ہے۔ شیڈولڈ، نان شیڈولڈ اور چارٹر فلائٹس رات 12 بجے سے بحال ہو جائیں گی۔اعلامیے میں کہا گیا ہے کہ پی آئی اے اور غیر ملکی ایئر لائنز کو گوادر اور تربت کے علاوہ پاکستان کے تمام بین الاقوامی ہوائی اڈوں سے پروازیں چلانے کی اجازت ہوگی۔ فضائی آپریشن کے لئے کرونا ایس او پیز پر عمل درآمد لازم ہوگا۔